فتح عينك

فتح عينك تاكل شومة
وهتبقي دماغك مقسومة
فتح خد ضربة وهتعدي
وتنام بعدها أخر نومة

فتح عينك قول ده فساد
قول ده ظلم ده استبداد
قاوم ناضل قول أنا راجل

فتح عينك وأوعي تخاف
دا لا فيه حكم ولا استئناف
ياما كتير عملوا إللي عملتوا
ولا حدش تاني بيتشاف

فتح عينك دااحنا حكومتك
شيفين الحلم إللي في نومتك
دأنتا اساسي ...تايه ناسي
فتح عينك تاكل شومتك

فتح عينك سمي ودوق
خبطة شومة وإنتا تفوق
داانتا وبلادك...ولاد ولدك
مالكمش لادية ولا حقوق

فتح عينك جرب مرة
قول أنا مصري ومصر دي حرة
قول دي بلادنا بلاد أجددنا
ياما قالوها وأترمو بره

فتح عينك روح إتظاهر
قول أنا مصلح قول أنا طاهر
وأصرخ جامد...خليك صامد
دي نهايتك قربت الظاهر

فتح عينك شوف الشومة
مصنوعة في حيافا ومختومة
دب...خلاص ، من غير رصاص
زي الفار مابتكله البومة